Te Manchester United nuk besojnë më tek objektivi i Ligës së Kampionëve, ndërsa Erik Ten Hag së fundmi ka piketua një lojtar të Juventusit. “Djajtë e Kuq” renditen në vend të gjashtë dhe numërojnë 6 pikë më pak e një ndeshje më shumë se Arsenali i vendit të katërt.

Holandezi Ten Hag, i cili pret verën për të nisur punë si trajneri i ri i United, u ka kërkuar drejtuesve të klubit të nisin bisedimet me agjentin e Paulo Dybala, i cili do të largohet si lojtar i lirë nga Juventusi.

Ten Hag e pëlqen shumë 28-vjeçarin argjentinas dhe e konsideron mundësi tepër të mirë afrimin e tij pa shpenzuar asnjë cent për kartonin. Kujtojmë që tri vite më parë Dybala ishte shumë pranë transferimit te United në një shkëmbim me Lukakun, por lëvizja dështoi në fund.