Shoqata e Tenisit eGrave (WTA) nisi të hënën turneun e saj të parë në Kinë pas më shumë se tre vjet, duke i dhënë fund bojkotit të saj për fatin e pasigurt të yllit të tenisit Peng Shuai.

Peng u frikësua se do të mbahej e pakomunikuar nga qeveria kineze në vitin 2021, pasi ajo akuzoi zëvendëskryeministrin e pensionuar Zhang Gaoli se e detyroi atë të bënte seks gjatë një lidhjeje shumëvjeçare, raporton CNN.

Pas akuzës, Peng u zhduk nga publiku për më shumë se dy javë, duke bërë që yjet më të mëdhenj të tenisit në botë dhe Kombet e Bashkuara të kërkojnë përgjigje për vendndodhjen e saj si dhe një hetim të plotë mbi akuzat e saj kundër Zhang.

Peng, një kampione tre herë Olimpike dhe Grand Slam në dyshe, më vonë mohoi të ketë bërë pretendimin për sulm seksual.

Kryetari, Steve Simon duke thënë se ai kishte “dyshime serioze se ajo është i lirë, e sigurt dhe nuk i nënshtrohet censurës, detyrimit dhe frikësimit.”

WTA kishte tërhequr tashmë turnetë e saj në Kinë në vitin 2020 për shkak të kufizimeve të udhëtimit Covid-19.

“Pas 16 muajsh të kompeticionit të pezulluar të tenisit në Kinë dhe përpjekjeve të vazhdueshme për të përmbushur kërkesat tona fillestare, situata nuk ka treguar asnjë shenjë ndryshimi”, tha ai në atë kohë.

Peng u shfaq për herë të fundit në shkurt 2022 kur u takua me zyrtarë olimpikë në Lojërat Dimërore të Pekinit dhe më pas u intervistua nga faqja e pavarur franceze e lajmeve sportive L’Equipe.

Megjithatë, vendimi i WTA për të rifilluar lojën është kritikuar nga disa grupe të të drejtave të njeriut dhe atletë, por grupi ndërkombëtar Human Rights Watch e quajti masën një “zhgënjim të madh”, duke i kërkuar botës që ta mbajë çështjen e Peng Shuai në sytë e publikut.