Së paku gjashtë persona janë vrarë dhe qindra të tjerë janë plagosur nga një tërmet në veriperëndim të Iranit.

Tërmeti, prej 5.9 shkallësh të Richterit, ka goditur në orët e hershme të së premtes në provincën Azerbajxhani Lindor, ka thënë Qendra Sizmologjike e Iranit.

Sipas raporteve në televizionin shtetëror, shumica e të plagosurve janë shkaktuar kur turmat kanë shtyrë njëra-tjetrën.

Dridhjet e tokës është thënë se u ndjenë edhe në Teheran. Irani shtrihet në dy pllaka kryesore tektonike dhe është i prirë ndaj aktivitetit të shpeshtë sizmik.

Në vitin 2003, një tërmet prej 6.6 shkallësh të Richterit ka shkatërruar qytetin historik Bam në juglindje të Iranit, duke vrarë 26 000 njerëz. Më vonë, më 2017, një tërmet me magnitudë 7, në kufirin Iran-Irak, ka lënë së paku 600 njerëz të vrarë.