Një tërmet i fortë me magnitudë 5.2 ballë të shkallës Rihter goditi rreth orës 5:30 të pasdites së sotme juglindjen e Rumanisë.

Sipas Institutit Euro-Mesdhetar, epiqendra e tërmetit ishte rreth 57 kilometra në lindje të Brasovit dhe thellësia fokale në 137 kilometra. Lëkundjet u ndjenë në pjesë të Rumanisë qendrore dhe lindore, Moldavisë jugperëndimore, Ukrainës jugperëndimore dhe Bullgarisë veriore.

Ende nuk ka patur raportime për dëme apo viktima si pasojë e tërmetit. Autoritetet rumune mund të mbyllin përkohësisht infrastrukturën e transportit në zonën e tërmetit për të kontrolluar për dëmtime.