Termocentrali bërthamor i Zaporozhye (ZNPP) ishte në prag të mbylljes këtë të shtunë. Pasi artileria ruse goditi një nga dy furnizimet e jashtme të energjisë që lidhin centralin me sistemin energjetik të Ukrainës, njoftoi Ministria e Energjisë e Ukrainës. Kjo është hera e tretë në nëntor që sulmet ushtarake ruse kërcënojnë stabilitetin e furnizimit me energji elektrike të termocentralit, gjë që mund të çojë në një mbyllje të plotë dhe të kërcënojë sigurinë e operacioneve bërthamore, tha ministria.

Ministri ukrainas i Energjisë Herman Halushchenko tha se punëtorët e infrastrukturës energjetike do të fillojnë punën për rivendosjen e energjisë sapo të lejojë situata e sigurisë.

Ai theksoi se termocentrali do të jetë në gjendje të funksionojë përsëri në mënyrë të sigurt kur të jetë nën kontrollin e Ukrainës.