![](https://www.epokaere.com/wp-content/uploads/2024/01/fakulteti-teknik-14.jpg)
“Termokos” do të ndajë 15 bursa për studentët e Teknikut
Drejtori i kompanisë “Termokos”, Fisnik Osmani, ka bërë të ditur se do të ndajnë 15 bursa për studentët e fakulteteve teknike. Studentët do të mund të aplikojnë deri më datën 1 shkurt.
Kështu ka bërë të ditur, Fisnik Osmani përmes një postimi në rrjetin social “Facebook”.
“Jemi të përkushtuar të ndihmojmë studentët tanë, të cilët janë inxhinierët e ardhshëm e me të ciët do të ndërtojmë vendin tonë!”, ka shkruar Osmani.
Njoftimi i plotë:
Termokos ndan 15 bursa për studentët e Fakulteteve Teknike!
Deri me datë 01.02.2024, studentët e Fakultetit të Inxhinierisë Mekanike, Fakultetit të Inxhinierisë së Ndërtimit dhe Fakultetit të Inxhinierisë Elektrike dhe Kompjuterike do të mund të aplikojnë për bursën të cilën e ndan NQ Termokos – për të dytin vit me radhë!
Jemi të përkushtuar të ndihmojmë studentët tanë, të cilët janë inxhinierët e ardhshëm e me të ciët do të ndërtojmë vendin tonë!
Dokumentacioni dorëzohet tek Dekanati i njësive përkatëse (FIM-FIN-FIEK).