Është ndërpre furnizimi me ngrohje në kryeqytet nga Termokos.

Përmes një komunikatë për media, Termokos ka njoftuar opinionin se për shkak të pamundësisë për tu furnizuar me avull nga KEK-u janë detyruar të ndërpresin furnizimin me ngrohje për konsumatorët.

Sipas këtij njoftimi vetëm klinikat e QKUK-së janë duke u furnizuar me ngrohje.

Njoftimi i plotë:

NP “Termokos” Sh.A., njofton opinionin e gjerë, përkatësisht gjithë konsumatorët se për shkak të pamundësisë për t’u furnizuar me avull nga KEK-u, jemi detyruar që të ndërpresim furnizimin me ngrohje për gjithë konsumatorët.

Aktualisht, me ngrohje janë duke u furnizuar vetëm klinikat e QKUK-së nëpërmes ngrohtores, që gjendet në hapësirat e kësaj qendre spitalore.

Kërkojmë mirëkuptimin e konsumatorëve tanë deri në përmirësimin e situatës dhe rikthimit të furnizimit me ngrohje.