Me rastin e dhjetëvjetorit të pavarësisë së Republikës së Kosovës, Myftiu i Kosovës, Naim ef. Tërnava do të mbajë hytbenë e xhumasë në Xhaminë e Madhe në Prishtinë “Sulltan Mehmet Fatih”, ku do t’u drejtohet xhematit me mesazhin e pavarësisë.

Po ashtu, nesër (ditë e premte), në të gjitha xhamitë e Kosovës, imamët do të ligjërojnë për dhjetëvjetorin e pavarësisë së Republikës së Kosovës, ku imamët do të ligjërojnë për vlerën dhe rëndësinë e kësaj dite të madhe të shtetit tonë.