Ministria e Shëndetësisë ka bërë me dije se në 24 orët e fundit janë regjistruar tetë raste të reja të infektimit me koronavirus.

Gjatë kësaj periudhe kohore nuk është shënuar asnjë rast i vdekjes.

“Nga 1.353 testime, 8 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 10 qytetarë, derisa numri i përgjithshëm i të shëruarve është 105.422. Në total numri i rasteve aktive është 149”, është thënë në njoftimin e ministrisë.