![](https://www.epokaere.com/wp-content/uploads/2018/07/tha-645x358.jpg)
Thaçi: Avramopoulos më konfirmoi se nuk do të vonohen lajmet e mira për vizat
Presidenti i Kosovës, Hashim Thaçi, ka thënë se Komisioneri i Bashkimit Evropian për Migrim, Çështje të Brendshme dhe Shtetësi, Dimitris Avramopoulos, i ka konfirmuar se së shpejti do të vijnë lajme të mira për liberalizim vizash për qytetarët e Kosovës.
Thaçi në profilin e vet në “Facebook” ka shkruar se Kosova meriton të hyjë në zonën Shengen.
“Edhe Komisioneri i BE-për për Migrim, Çështje të Brendshme dhe Shtetësi, Dimitris Avramopoulos më konfirmoi se Republika e Kosovës dhe qytetarët e saj më të drejt presin lajme të mira për liberalizimin e vizave dhe se ato nuk do të vonojnë. Qytetarët e Kosovës me padurim presin që ky proces të përmbyllet, duke i hapur rrugë lëvizjes së lirë në zonën Shengen. Kosova meriton të bëhet pjesë e mobilitetit në Evropë”, ka thënë Thaçi.