Presidenti i Kosovës, Hashim Thaçi, ka treguar se ka zhvilluar një bisedë telefonike me komisionerin për Zgjerim dhe Fqinjësi të Mirë, Johannes Hahn në lidhje me vendimmarrjen në BE në lidhje me liberalizimin e vizave për Kosovën.

“Kam pasur një bisedë telefonike shumë të mirë me @JHahnEU për çështje të rëndësishme në marrëdhëniet BE-Kosovë, duke përfshirë hapat e ardhshëm në procesin e vendimmarrjes së BE-së për liberalizimin e vizave për Kosovën”, ka shkruar Thaçi në llogarinë e vet në “Twitter”.

Ai më tej ka shtuar se e ka informuar komisionerin Hanh në lidhje me gatishmërinë e Kosovës për liberalizimin e vizave.

“E informova komisionerin për gatishmërinë dhe shpresat tona për këtë moment të rëndësishëm”, ka thënë Thaçi.

/Epoka e re/