Presidenti i vendit, Hashim Thaçi, është shprehur optimist lidhur me votimin e Demarkacionit me Malin e Zi në seancën e së nesërme të Kuvendit të Kosovës.

Përmes një postimi në “Twitter”, ai ka ritheksuar se votimi i Demarkacionit, do të hapë rrugë të reja për qytetarët e Kosovës e gjithashtu, ratifikimi është një votë për të forcuar integrimin në BE.

“Nesër pres që të gjithë deputetët në Parlamentin e Kosovës të përqendrohen në mundësimin e lirisë së lëvizjes për qytetarët tanë, duke hapur rrugë të reja për studentët tanë dhe duke krijuar shanse të reja për sipërmarrësit tanë. Demarkacioni i kufirit është një votë për të forcuar integrimin tonë në BE dhe sovranitetin tonë”, ka shkruar Thaçi.