Ish-zëdhënësi i Ushtrisë Çlirimtare të Kosovës, Jakup Krasniqi, dhe ish-komandanti Rexhep Selimi do të takohen me ministren e Drejtësisë, Albulena Haxhiu, ka njoftuar për Klankosova.tv, Flamur Pireva, këshilltar i ministres së Drejtësisë.

Ai tha se ende nuk kanë marrë përgjigje nga mbrojtja e ish-presidentit të Kosovës, Hashim Thaçi, dhe ish-kryetarit të Partisë Demokratike të Kosovës, Kadri Veseli.

“Ministrja do t’i takojë të gjithë, përveç ish-presidentit Hashim Thaçi dhe ish-kryetarit të PDK-së, Kadri Veseli, të cilët ende s’kanë kthyer përgjigje.

Natyrisht se interesi i delegacionit të Kosovës është që t’i takojë që të gjithë”, ka thënë Pireva.

Ministrja e Drejtësisë, Albulena Haxhiu, sot udhëton për në Hagë.

Qëllimi i kësaj vizite është që të takohet me ish-krerët e UÇK-së që po gjykohen tash e një vit atje.

Takimet pritet të ndodhin më 30, 31 mars dhe 1 prill.