Presidenti i Republikës së Kosovës, Hashim Thaçi, ka pritur të martën në takim, imzot Dodë Gjergjin.

Në këtë takim, Thaçi e ka falënderuar imzot Gjergjin për organizimin e akademisë solemne “Faleminderit Shqipëri”.

“Me imzot Dodë Gjergjin edhe sot e vazhduam diskutimin për Shqipërinë e gjuhës dhe kulturës sonë të përbashkët. Atë e falënderova për organizimin e mrekullueshëm të akademisë solemne ‘Faleminderit Shqipëri’, e cila kishte karakter falënderimi për atdheun tonë, që me shekuj dhe me aq sa kishte kapacitet, e mbrojti gjithmonë të drejtën e shqiptarëve në Kosovë dhe vise të tjera”, ka shkruar Thaçi në llogarinë e vet në “Facebook”.

/Epoka e re/