Presidenti i Kosovës, Hashim Thaçi, e ka quajtur të dështuar planin e Serbisë për krizë humanitare në veri, derisa ka thënë se një krizë e tillë nuk ekziston.

Në këtë kontekst, ai ka thënë se kjo është tendencë dhe improvizim i Serbisë.

“Krizë humanitare nuk ka në Kosovë. Ka improvizim dhe tendenca të Serbisë për t’iu paraqitur si viktimë qytetarëve serbë në veri të Kosovës. Prandaj është shumë me rëndësi që e gjithë bota demokratike ta njoh realitetin dhe të kuptoj realitetin. Dhe ky pretendim i ri i Serbisë është i dështuar”, ka thënë a Thaçi pas konferencës “Të gjithë së bashku me një zë” që është organizuar nga Bashkësia Islame e Kosovës.