Presidenti i vendit, Hashim Thaçi përmes një postimi në llogarinë e vet në “Facebook” ka kujtuar aksionin e Njësisë Speciale të Policisë së Kosovës në veri, nëntë vjet më parë, ku ra hero polici Enver Zymeri.

Ai ka thënë se ky aksion i policisë në veri personifikon sakrificën dhe përpjekjet tona për ruajtjen e integritetit territorial të shtetit tonë.

“Aksioni i Njësisë Speciale të Policisë së Kosovës në veri, nëntë vjet më parë, siguroi përfundimisht bashkimin territorial të Republikës së Kosovës. Heroi i Kosovës, Enver Zymeri, personifikon sakrificën dhe përpjekjet tona për ruajtjen e integritetit territorial të shtetit tonë. 25 korriku është dita e bashkimit të Kosovës”, ka shkruar Thaçi.

(M.Q / Epoka e re)