Thaçi me Trumpin: Marrëveshja me Serbinë mundëson anëtarësimin e Kosovës në NATO, OKB dhe BE
Presidenti i Kosovës, Hashim Thaçi, ka thënë se me presidentin e Shteteve të Bashkuara të Amerikës (ShBA), Donald Trump, janë pajtuar për të zgjeruar paqen dhe pajtimin në Ballkanin Perëndimor, duke arritur marrëveshjen përfundimtare në mes të Kosovës dhe Serbisë.
Ai ka thënë se kjo marrëveshje mundëson që Kosova të bëhet pjesë e NATO-s, Organizatës së Kombeve të Bashkuara (OKB) dhe Bashkimit Evropian (BE).
“Në këtë ditë të 100-vjetorit të armëpushimit, duke përkujtuar fundin e Luftës së Parë Botërore, ne u pajtuam me presidentin Donald Trump për nevojën për të zgjeruar paqen dhe pajtimin në Ballkanin Perëndimor, duke arritur marrëveshjen përfundimtare dhe gjithëpërfshirëse në mes të Kosovës dhe Serbisë, duke bërë të mundur që Republika jonë të bashkohet me NATO-në, OKB-në dhe BE-në”, ka shkruar Thaçi në llogarinë e vet në “Twitter”.
/Epoka e re/
In this day of #Armistice100, commemorating the end #WorldWarI, we agreed w/ President @realDonaldTrump on need to extend peace & reconciliation in #WesternBalkans by achieving final & comprehensive agreement between #Kosovo & #Serbia, enabling our Republic join @NATO, UN, EU. pic.twitter.com/mTbGQIMAkP
— Hashim Thaçi (@HashimThaciRKS) November 11, 2018
https://www.facebook.com/HashimThaciOfficial/photos/a.606015099468853/2279073132163033/?type=3&theater
