Dëshmorët Murat dhe Enver Haliti janë dekoruar me urdhrin “Hero i Kosovës nga presidenti Hashim Thaçi.

Thaçi ka thënë se Murati e Enveri kanë qenë pjesë e organizimeve për lirë që nga ditët e para.

“Murat Haliti dhe Enver Haliti, dëshmorë të luftës sonë për liri e pavarësi, ishin që nga ditët e para të organizimeve të hershme me ne. Familja atdhetare Haliti, në ato ditë të vështira kur autoritetet serbe na kishin rënë në gjurmë, ishte shpeshherë strehë e grupimit tonë. Erdha në këtë familje bujare, ku Murati dhe Enveri u rritën dhe u edukuan në frymën patriotike, për t’ua dorëzuar personalisht urdhrin ‘Hero i Kosovës’”, ka shkruar Thaçi në llogarinë e vet në “Facebook”. /Epoka e re/