Presidenti i Republikës së Kosovës, Hashim Thaçi, ka bërë me dije të dielën se në ditët e ardhshme institucionet shtetërore do të ndërmarrin veprime dhe vendime, të cilat do të jenë në interes të forcimit të partneritetit me aleatët ndërkombëtarë.

Ai ka thënë se të gjitha institucionet e Kosovës janë në shërbim të mbrojtjes dhe avancimit të interesave strategjike të vendit.

“Në ditët dhe javët në vazhdim, institucionet e Republikës së Kosovës do të ndërmarrin veprime dhe vendime në interes shtetëror dhe të forcimit të partneritetit me aleatët tanë ndërkombëtarë. Të gjitha institucionet shtetërore janë në shërbim të mbrojtjes, avancimit dhe arritjes së qëllimeve tona strategjike shtetërore. Dialogu dhe marrëveshja eventuale paqësore vetëm sa e përshpejtojnë realizimin e synimeve tona për anëtarësim në BE, NATO dhe OKB. Këto synime janë të arritshme, për aq kohë sa jemi të bashkuar, pozitë, opozitë dhe shoqëri civile, flasim fuqishëm njëzëri dhe kemi mbështetjen e aleatëve tanë ndërkombëtarë, respektivisht mbështetjen e ShBA-së”, ka shkruar Thaçi në llogarinë e vet në “Facebook”.

/Epoka e re/