Samiti i Bashkimit Evropian për Ballkanin Perëndimor që mbahet sot në Sofje të Bullgarisë, po shihet si ngjarje e rëndësishme për vendet e Ballkanit Perëndimor që aspirojnë integrimet evropiane.

“Në konsultimet e fundit para nisjes së Samitit të BE-së dhe Ballkanit Perëndimor në Sofje të Bullgarisë. Ky samit i përbashkët është historik dhe me rëndësi të madhe për Republikën e Kosovës dhe tërë rajonin tonë”, ka shkruar presidenti Hashim Thaçi në llogarinë e vet në “Facebook”.