Presidenti i Kosovës, Hashim Thaçi, ka pritur sot në takim edhe liderin e AAK-së, Ramush Haradinaj.

Thaçi përmes një postimi në llogarinë e vet në “Twitter” ka treguar për këtë takim.

“Diskutim konstruktiv me ish-kryeministrin dhe udhëheqësin e AAK-së z. Ramush Haradinaj. Ai gjithashtu mbështet përpjekjet e Kosovës për një qëndrim të unifikuar për çështje me interes kombëtar. Vlerësoj kontributin e tij dhe mirëpres angazhimin e tij”, ka shkruar Thaçi.
Thaçi është takuar më herët edhe me liderin e LDK-së, atë të PDK-së.

Presidenti ka bërë me dije se këto takime i ka thirrur, siç ka thënë për unifikimin dhe koordinimin për çështjet me interes shtetëror.