Një person është therur me thikë në afërsi të gjimnazit “Hajdar Dushi” në Gjakovë.

Kjo pas një përleshje që ka ndodhur ndërmjet disa personave aty.

Rastin e ka konfirmuar zëdhënësi i policisë për rajonin e Gjakovës, Nysret Xhurkaj.

Xhurkaj ka thënë se i lënduari është dërguar për trajtim në spitalin rajonal të Gjakovës.

“Përleshje mes qytetarëve në afërsi të gjimnazit ‘Hajdar Dushi’- Gjakovë. Rreth orës 11:30. Është përdorë mjet i mprehtë (thikë).Të lënduar janë dy persona. Njëri është transferuar në spitalin rajonal ‘Isa Grezda’, tjetri në ambulancën e qytetit për tretman mjekësor. Në vendngjarje ka dalë policia. Hetimet janë në zhvillim”, ka thënë ai për “KK”.