Një person ka lënduar rëndë me thikë një person tjetër të moshës 20-vjeçare në Ferizaj dhe është larguar në drejtim të panjohur.
Policia e Kosovës ka bërë të ditur se menjëherë kanë dal ne vendin e ngjarjes dhe se i lënduari është dërguar në Emergjencë dhe me pas në QKUK për trajtim mjekësorë.
“Me datën 19.04.2024 në ora 17:47 policia rajonale e Ferizajt ka pranuar një informatë se në udhëkryqin e rrugëve “Ramadan R3xhe & Uran Tinova” në Ferizaj është një lëndim i rëndë trupor. Patrullat e policisë menjëherë kanë dalë në vendin e ngjarjes, të cilët kanë mësuar se një person me një armë të ftohtë ( thikë) ka lënduar rëndë një person tjetër mashkull, të moshës 20 vjeçar dhe është larguar në drejtim të panjohur. I lënduari menjëherë për ndihmë mjekësore është dërguar në Qendrën Emergjente në Ferizaj, e më pas për tretman të mëtutjeshëm mjekësorë është transportuar për në Qendrën Klinike Universitare në Prishtinë.” – thuhet në njoftim.
Pas dy orëve, policia e rëndit, hetuesit e stacionit dhe rajonal të mbështetura nga njësit e tjera kanë identifikuar të dyshuarin, E.C., 17-vjeçar dhe kanë arritur që ta arrestojnë.
“Ekipe të policisë, policët e rendit, hetuesit e stacionit, hetuesit rajonal të mbështetura edhe nga njësi të tjera kanë identifikuar të dyshuarin E.C ( M/K) i moshës 17 vjeçar dhe menjëherë kanë rrethuar zonën përreth dhe pas një pune intensive në terren, në orën 19:30 kanë arritur që të arrestojnë të dyshuarin e kësaj ngjarje dhe e kanë shoqëruar në Sektorin Rajonal të Hetimeve në Ferizaj për procedura tjera hetimore.”
Sipas PK i dyshuari është dërgua në ndalim për 48 orë.
“Gjithashtu në vendin e ngjarjes kanë dalë hetuesit dhe krim teknikët rajonal, të cilët janë duke ekzaminuar vendin e ngjarjes, ndërsa për të gjitha veprimet policore është njoftuar prokurori kujdestar, i cili ka vendosur për ndalimin e të dyshuarit për 24 orë.” – thuhet në njoftim.
