Kryebashkiaku i Kievit, Vitali Klitschko u ka kërkuar politikanëve evropianë që të ndërpresin të gjitha lidhjet tregtare me Moskën, duke thënë se pagesat ndaj Rusisë janë të mbuluara me “gjak” dhe ndihmojnë për të financuar ushtrinë e saj.

“Çdo euro, çdo cent që merrni ose dërgoni në Rusi ka gjak. Janë para të përgjakshme dhe gjaku i këtyre parave është gjaku i Ukrainës, gjaku i popullit ukrainas”, ka thënë Klitschko, raporton “BBC”.