Janë ditët e fundit të vitit dhe shumë tifozë të ekipit kombëtar të Shqipërisë presin në njëfarë mënyre në formë dhurate edhe zyrtarizimin e trajnerit të ri që do të udhëheqë kuqezinjtë në kualifikueset e radhës, të cilat do të nisin në muajin mars.

Në prononcimet e fundit, kreu i FSHF-së, Armand Duka është shprehur se janari do ta gjejë Shqipërinë me një trajner të ri, çka pritet të shihet. Kandidati potencial për të ardhur në krye është Esteban Cambiasso, çka ka vizituar dhe darkuar në Tiranë pak kohë më parë. Argjentinasit pritet që t’i plotësohen kushtet dhe të fillojë punë në Shqipëri.

Ish-lojtari i Interit dhe Real Madridit nuk ka një eksperiencë të madhe në drejtim, teksa vetëm për një periudhë tre mujore ka qenë ndihmës trajner i Pekerman te kombëtarja e Kolumbisë, vetëm për Botërorin e vitit 2018 në Rusi.

Kështu, një zyrtarizim i tillë, do të quhej edhe një eksperiment me ekipin kombëtar, që në fund të kompeticioneve do të shihet si ka rezultuar, mirë apo keq. Por në ditët e fundit në skenë ka dalë edhe kolumbiani Reinaldo Rueda.