Rikthehet frika e tërmeteve në Shqipëri. Tirana dhe Durrësi janë goditur nga një tërmet tjetër, i magnitudës 4.4 ballë në orët e para të mëngjesit të kësaj të marte.

Ishte ora 2:47 minuta kur filluan lëkundjet e tokës dhe që zgjatën rreth 5 sekonda.

Lëkundjet më shumë janë ndjerë në Durrës, pasi epiqendra e tërmetit ishte në Detin Adriatik, 10 km larg qytetit dhe me një thellësi prej 5 km.

Lëkundja e parë sizmike u regjistrua në orën 21:57 minuta të mbrëmjes së djeshme me forcë 3.5 ballë dhe epiqendër Detin Adriatik, 8 km larg nga Durrësi.