Hellas Verona vijon të konfirmohet si skuadra surprizë e këtij sezoni në Seria A. Skuadra ku aktivizohet Kumbulla dhe Rrahmani kanë ndalur Interin në një barazim 2-2.

Ekipi i Juric e nisi në mënyrën më të mirë sfidën. Pas vetëm 1 minute e 45 sekonda, Lazovic shmang lehtësisht Skriniar në zonë dhe më pas arrin që të mposhtë portierin Handanoviq.

Interi arriti që të barazonte në fillimin e pjesës së dytë me Candrevën që ndjek mjaft mirë aksionin ku Lukaku gjeti shtyllën. Disa minuta më pas skuadra e Contes gjen dhe golin e barazimit me Dinamrcon që e dërgon topin në portën e tij.

Verona gjithsesi nuk dorëzohet, teksa 4 minuta nga fundi Rrahmani jep asist për Veloson, i cili shënon një gol shumë të bukur. Kumbulla doli nga fusha në minutat e fundit për shkak të lodhjes, teksa zhvilloi një ndeshje fantastike ndaj Lukakut. Pas kësaj humbje Interi mbetet në vendin e katërt me 65 pikë, një më pak se Atalanta.