![](https://www.epokaere.com/wp-content/uploads/2024/02/torres-600x360-1.png)
Torres: Kosova, histori suksesi amerikan i demokracisë në Ballkan
Republika e Kosovës shënoi 16-vjetorin e pavarësisë së saj.
Më 17 shkurt të vitit 2008, Kuvendi i Kosovës shpalli pavarësinë e vendit, duke e bërë atë shtet të pavarur, sovran dhe demokratik.
Në shumë vende ku Kosova ka ambasada dhe përfaqësi diplomatike janë organizuar aktivitete të ndryshme në shënim të 16-vjetorit të pavarësisë Kosovës.
Edhe në ShBA është organizuar i 16-vjetori i pavarësisë së Kosovës
Kongresisti amerikan Ritchie Torres ka shkruar në platformën ‘X’ se ka pasur nderin të festojë 16-vjetorin e Pavarësisë së Kosovës, që është një histori suksesi amerikan i demokracisë në Ballkanin Perëndimor.
“Jam krenar që përfaqësoj Bronksin, i cili është shtëpia e mijëra shqiptarëve nga Kosova, Shqipëria dhe gjetkë”, tha ai.
Ndryshe së fundi Kongresisti amerikan, Ritchie Torres, në një intervistë për Radio Kosovën, ka thënë se ShBA-ja nuk ka aleat më të madh sesa Kosovën në Ballkan.
Ai ka shprehur shumë pesimizëm me mos largimin e Serbisë nga ndikimi rus. Torres thotë se Kosova duhet të anëtarësohet në institucione ndërkombëtare.