“Mbrojtja e mjedisit është jetike për planetin dhe shëndetin tonë”, kështu ka thënë kryetari i Prizrenit, Shaqir Totaj me rastin e Ditës Botërore të Mjedisit.

Totaj ka përgëzuar fëmijët për organizimin e aktiviteteve për këtë ditë, si dhe ka shprehur mirënjohje për të gjithë aktorët e përfshirë në aksionet e pastrimit, të cilët e njohin rëndësinë e ambientit të pastër.

“Me këto aksione përçojmë mesazh te të gjithë, që bashkërisht ta ruajmë mjedisin, pasi e ardhmja e Prizrenit është agjenda e gjelbër”, ka theksuar Totaj.