Totaj: Faleminderit Prizren, shumë punë na pret nga nesër!
17 tetor 2021
| 23:31
Kandidati për kryetar të Prizrenit nga radhët e PDK-së, Shaqir Totaj, ka reaguar pasi kjo komunë do të shkojë në balotazh.
Nga 82 për qind të votave të numëruara, Mytaher Haskuka nga LV-ja ka marrë 38.84 për qind, kurse Totaj që do të shkojë në balotazh me kryetarin aktual ka marrë 31.84 për qind.
Totaj ka falënderuar qytetarët e Prizrenit për ketë rezultat, duke theksuar se shumë punë i pret nga nesër.
“FALEMINDERIT PRIZREN! Faleminderit struktura. Ky është shpirti i këtij qyteti të bukur që unë e njoh. Sot fituan qytetarët. Sot fitoi demokracia. Shumë punë na pret nga nesër! Përulësisht, Shaqa”, ka shkruar Totaj në llogarinë e vet në “Facebook”.