Për nder të 25-vjetorit të Epopesë së Vrrinit, të premten kryetari i Komunës së Prizrenit, Shaqir Totaj, së bashku me nënkryetarin Kujtim Gashi, kryesuesen e Kuvendit Komunal, Antigona Berisha-Bytyqi, zyrtarë të ekzekutivit dhe përfaqësues të shoqatave të dala nga lufta, kanë bërë homazhe te varrezat e dëshmorëve në Landovicë, si dhe në shtatoret e heronjve të kombit Selajdin Berisha e Xhevat Berisha.

Gjatë Epopesë së lavdishme të Vrrinit nga 1 deri 5 shtator 1998, në përballje me armikun ranë në altarin e lirisë 28 pjesëtarë të UÇK-së.

“Me mirënjohje e përulje sot kujtojmë veprën e dëshmorëve për lirinë që e gëzojmë në Kosovën e pavarur. Lavdi dëshmorëve, martirëve dhe heronjve të gjallë”, është shprehur kryetari Totaj.