Kryetari i Prizrenit, Shaqir Totaj, ka marrë pjesë në hapjen e Festivalit Ndërkombëtar të Teatrit në skena të hapura “PrizrenFest”, që u hap me shfaqjen Maidan Inferno – një bashkëpunim mes Ukrainës dhe Francës.

Ky festival plotëson mozaikun e festivaleve në Prizren, duke sjell shumë publik nga e gjithë bota e duke e futur kështu në hartën artistike qytetin tonë dhe Kosovën. “Falënderoj trupën teatrore te Ukrainës, gjë që sonte e shfaqi shtetin e vet përtej artit e teatrit dhe u përcoll nga shumë media, 20 nga ta gazetarë ukrainas që aktualisht janë të strehuar në Kosovë dhe veprojnë këtu”, ka thënë kryetari Totaj.