Tottenham Hotspur ka përfunduar nënshkrimin e Steven Bergwijn nga PSV Eindhoven për një shifër të raportuar prej 25 milionë funtesh plus bonuset, kurse kontrata është deri në vitin 2025.

Bergwijn mbërriti në veri të Londrës në fillim të javës për t’iu nënshtruar testeve mjekësore. 22-vjeçari i ka kaluar ato teste me sukses dhe tani ka ardhur edhe zyrtarizimi nga Tottenhami.

“Ne jemi të kënaqur të njoftojmë nënshkrimin e Steven Bergwijn nga PSV Eindhoven. Steven ka nënshkruar një kontratë me Klubin që do të zgjasë deri në 2025”, thuhet në njoftimin e “Spurs”.