![](https://www.epokaere.com/wp-content/uploads/2020/06/Lajmi-i-fundit.jpg)
Tragjedi në Itali, çifti shqiptar vritet brenda banesës
Një çift shqiptar është gjetur i pajetë brenda banesës së tyre në via Leopardi në Itali.
Ngjarja tragjike ka ndodhur mbrëmjen e së dielës,
Dyshohet se ata janë vrarë nga ish-bashkëshorti i viktimës, me origjinë shqiptare gjithashtu, raportojnë mediet italiane.
Zbulimi i trupave është bërë nga karabinierët, të lajmëruar nga vajza e gruas, e cila nuk kishte mundur të kontaktonte me nënën pasdite.
Fillimisht u mendua për një rast vrasje-vetëvrasjeje, por nga hetimet u zbulua se dikush i kishte vrarë.
Pas zbulimit të dy trupave, karabinierët, pasi kanë mbledhur dëshmitë e para të vajzës së gruas, kanë shkuar për të kërkuar ish-bashkëshortin në shtëpinë e tij në Mira, i cili mund të jetë i përfshirë në ngjarje. Një thikë dhe një pistoletë u gjetën brenda shtëpisë në via Leopardi. /abcnews.al/