Trajneri i përfaqësues së Andorrës, Koldo Alavarez, ka folur në prag të sfidës ndaj Shqipërisë.

Në një analizë të shkurtër të ekipit kuqezi, Koldo, vlerësoi shpejtësinë e lojtarëve të krahut dhe forcën e sulmuesve tanë. Tekniku i Andorrës bëri dhe një koment të shkurtër për shkarkimin e trajnerit, Christian Panucci.

“Janë një kombëtare që të befason me shpejtësinë që kanë lojtarët e krahut, por edhe me fuqinë e madhe që kanë qendërsulmuesit e tyre si Bekim Balaj ose si Armando Sadiku, që është një lojtar me karakteristika të tjera”, ka deklaruar trajneri i Andorrës, Koldo Alavarez.

“Ndryshimi i trajnerit mund të rrisë motivimin në skuadër, gjithsesi është një situatë që ne do të mundohemi ta përdorim në favorin tonë”, ka shtuar ai.