Mes spekulimeve se Timo Werner mund të kthehet në RB Leipzig nga Chelsea këtë verë, është trajneri i ekipit gjerman, Domenico Tedesco që ka refuzuar të flas rreth kësaj teme.

Gjatë këtij afati kalimtar u përhapën disa zëra se Timo Werner mund të rikthehet te ish-skuadra e tij, Leipzig.

E në lidhje me këtë ka folur edhe trajneri i ekipit gjerman, Domenico Tedesco.

“Timo Werner nuk është lojtari im, nuk është lojtari ynë. Ai është një lojtar i Chelsea. Prandaj, unë kam një mendim të qartë për këtë. Të mos shprehem, të mos pozicionohem ndaj lojtarëve që nuk janë pjesë e klubit tonë, që nuk janë nën kontratë në klubin tonë. Për mendimin tim, kjo është një çështje respekti. Ky është një parim i rëndësishëm, të cilin e kam vendosur për mua”, ka thënë italiani.

Përveç Leipzigut, Werneri është i lidhur edhe me një kalim te Real Madridi dhe Juventusi.

Mbetet të shihet se cila do të jetë e ardhmja e sulmuesit gjermanit.