Trajneri italian i futbollit, Antonio Conte është bërë cak i disa skuadrave të mëdha evropiane.

Conte ishte shkarkuar verën e kaluar nga Chelsea, derisa shumë skuadra kanë vërshuar drejtë tij.

Sipas “Tuttosport”, Juventusi e dëshiron rikthimin e Contes në stolin e “Zonjës së vjetër”.

Conte ishte trajneri i parë që e kishte fituar tri herë radhazi “Serie A”-në me Juventusin, ndërsa këta të fundit e duan rikthimin e tij në stol.

Edhe pse Maxi Allegri ka bërë me dije se ai dëshiron të vazhdojë me Juventusin, “Tuttosport”, ka raportuar se homologu i tij shihet si favorit për ta marrë drejtimin e skuadrës nga sezoni i ri.