Trajneri Ruben Amorim la jashtë skuadrës Marcus Rashford për tri ndeshjet e fundit të Manchester Unitedit. Rreth situatës së lojtarit, e cila mbetet ende e turbullt, ka folur tekniku Amorim.

“Është një situatë e vështirë. E kuptoj që këta lojtarë kanë shumë njerëz rreth tyre, të cilët marrin vendime që nuk janë ideja e parë e vet futbollistit. Unë jam gjithmonë këtu për ta ndihmuar Marcusin”, ka thënë ai. Kujtojmë se Rashfordi u shpreh para disa ditësh se është gati për një sfidë të re dhe nëse do të largohej, nuk do të fliste kurrë për Manchester Unitedin.