Manchester United ka fituar më shumë ndeshje se çdo skuadër tjetër në pesë kampionatet kryesore të Evropës këtë sezon (27) dhe që tani totali i tyre është 7 ndeshje më shumë sesa arritën gjatë gjithë sezonit të shkuar (20).

Erik ten Hag e quan një katastrofë pjesën e parë ndaj Leicester Cityt, ndërsa për rihapjen e garës për titull tregohet i kujdesshëm: “Jemi të kënaqur me rezultatin, është i shkëlqyer. Kur luan çdo tri ditë nuk mund të presësh të bësh të njëjtën ndeshje. Ishte e vështirë. Pjesën e parë Leicesteri e luajti shkëlqyeshëm, ne ishim katastrofë dhe të padisiplinuar. Nuk pësuam gol vetëm prej De Geas. Rashfordi po shkel në pozicionet e duhura, por mos harroni skuadrën. Bruno dha dy asistime të shkëlqyera. Ne nuk mendojmë për garën për titull. Ne mendojmë vetëm për ndeshjen e radhës. Të enjten kemi një sfidë të madhe përpara. Duhet të luftojmë, tifozët duhet ta bëjnë ‘Old Trafford’ një fortesë dhe plani për ndeshjen me Barçën duhet të jetë i duhuri”.