Forcat e policisë të Lezhës kanë arrestuar në flagrancë një 33-vjeçar që po transportonte drejt Kosovës disa emigrantë.

Arrestimi është kryer në autostradën Milot-Morinë, ku në një furgon të tipit “Benz”, pas një kontrolli të kryer si pasojë e disa informacioneve të marra, janë gjetur 12 shtetas të huaj.

Bëhet fjalë për emigrantë që i drejtoheshin Kosovës, për të ndjekur më pas rrugën që do t’i çonte drejt kufijve të Bashkimit Evropian.

I arrestuari, shofer i furgonit, është shtetasi me inicialet I.N, banues në Fushë-Krujë./A2/