Kryeparlamentari Kadri Veseli dhe kryeministri Ramush Haradinaj kanë bërë me dije se tranzicioni i Forcës së Sigurisë së Kosovës (FSK) në ushtri është proces i pandalshëm, i domosdoshëm dhe në interes të të gjithëve në Kosovë dhe në rajon. 

Në konferencën “FSK-ja dhe partnerët”, Veseli e Haradinaj kanë thënë të enjten se ky tranzicion do ta ruajë edhe karakterin shumetnik të FSK-së pasi, sipas tyre, kjo forcë ka përmbushur të gjitha standardet e nevojshme për të kaluar në hapin tjetër të saj: formalizimin në ushtri të Kosovës, shkruan “Epoka e re”.