Presidenti i Serbisë, Aleksandër Vuçiq, ka thënë se trazirat në Mal të Zi nuk janë origjinale, duke shtuar se ato nuk kanë lindur nga një urrejtje e vërtetë.

“Unë nuk do të thosha se është urrejtje e vërtetë, por e nxitur nga politikanët në Mal të Zi”, ka thënë Vuçiqi, derisa sot është bërë shugurimi i kreut të Kishës Ortodokse Serbe në Ma të Zi, Joanikije.

Ai ka folur edhe për sigurinë e Patriarkut të Kishës Ortodokse Serbe, Porfirije dhe kreut të Kishës Ortodokse Serbe në Mal të Zi, Joanikijes.

“Ata shkuan me helikopter. Kur të vini në këtë drejtim, është e qartë se situata nuk është e thjeshtë. Toka pas manastirit që është, ata e shfrytëzuan për të shkuar me helikopter”, ka thënë ai

Vuçiqi ka deklaruar se të gjithë meritat për sigurinë i takojnë Qeverisë së Malit të Zi.

“Policia sekrete serbe është dikush që vetëm mbledh informacione, dhe pastaj ia dorëzon autoriteteve kompetente”, ka thënë Vuçiqi.

Policia nuk dëshiron të reagojë menjëherë, kjo është normale, ka shpjeguar ai.

Kur është pyetur për arrestimin e Veljoviqit, këshilltarit të presidentit të Mali të Zi, Vuçiqi ka thënë Serbia nuk do të ndërhynte në punët e brendshme të atij vendi.