Kryetari i Këshillit të fshatit Krushë e Madhe, Selami Hoti thotë se dy tregtarët nga Malisheva që kanë shitur fidane pemësh në Krushë të Madhe janë takuar me rreth 20 persona.

Hoti për “RTV Dukagjinin”, thotë se fshatarët janë lajmëruar në bazë vullnetare në Qendrën e mjekësisë familjare pas apelit që kanë bërë udhëheqësia e fshatit.

Ai thotë se për vizitën në këtë fshat të dy tregtarëve që tashmë kanë rezultuar pozitiv me COVID-19 janë njoftuar nga Policia e Kosovës, përcjell Telegrafi.

Kryetari i Këshillit të fshatit Krushë e Madhe, thotë se qytetarët që kanë kontaktuar me tregtarët e infektuar janë nën mbikëqyrje nga mjekët e QMF-së.

“Varësisht ën bazë të simptomave gjatë ditëve të ardhshme do të veprojmë. Ne kërkojmë me mirëkuptim që ata qytetarë të vet izolohen në shtëpi me qëllim që të mos infektojnë edhe të tjerët”, ka thënë pos tjerash Selami Hoti.