Mbrojtësi holandez, Matthijs de Ligt ka pasur një sezon me ulje dhe ngritje, por kjo nuk i ka penguar tri klube të mëdha evropiane që të hynë në garë për transferimin e tij.

Barcelona, Paris Saint Germain dhe Manchester United kanë shprehur interesim për ish-mbrojtësin e Juventusit dhe Ajaxit, derisa e përditshmja franceze “L’Equipe” raporton se e ardhmja e lojtarit do të vendoset pas Kampionatit Evropian kur ai do të bisedojë me trajnerin e ri të Bayernit, Vincent Kompany.

Bayerni ka paguar 67 milionë euro për transferimin e tij dy vite më parë, derisa tani është i gatshëm të lejoj të largohet nëse vije një ofertë rreth 55 milionë euro.