Tri komuna të udhëhequra prej kryetarëve nga radhët e Partisë Demokratike të Kosovës (PDK), Komuna e Drenasit, Vushtrrisë dhe e Hanit të Elezit kanë arritur maksimumin prej 100 pikëve në Indeksin e Transparencës Buxhetore për vitin 2023, raport i përvitshëm i Institutit GAP që synon të rrisë llogaridhënien dhe qasjen e qytetarëve në informacionet buxhetore në nivel lokal.

Me këtë rast, PDK-ja ka përgëzuar kryetarët e këtyre komunave.

“I përgëzojmë kryetarët Ramiz Lladrovci, Ferit Idrizi dhe Mehmet Ballazhi për punën e mirë, përkushtimin dhe angazhimin në ndërtimin e besimit te qytetarët. Këto komuna janë pasuar nga Komuna e Ferizajt që është vlerësuar me 95 pikë, si dhe ajo e Kaçanikut me 94 sosh, të cilat po ashtu janë ranguar lartë në këtë raport. Për shkaqe teknike, Komuna e Mitrovicës, e Prizrenit dhe e Skenderajt nuk kanë qenë pjesë e gjetjeve të këtij raporti.  Ky është modeli qeverisës i PDK-së: transformues, zhvillimor dhe gjithëpërfshirës, i cili i duhet Kosovës edhe në nivelin qendror”, ka njoftuar PDK-ja.