Tri shpërthime të fuqishme nga shok-bombat te “tre rrokaqejt”
19 nëntor 2023
| 01:55
Sonte rreth orës 00:25 tri shpërthime të njëpasnjëshme detonuan veriun e Mitrovicës, ngjarje kjo që ishte paralajmëruar kohë më parë nga serbët se “do të hakmerremi”.
Detonimet ishin aq të fuqishme sa u dëgjuan edhe thellë në jug të Mitrovicës.
Detonimet nga shok-bombat u konfirmuan edhe nga zëvendësdrejtori i Policisë për rajonin e Veriut, Veton Elshani.
“Ka informacione për dy detonime por policia është në qytet dhe nuk raportohet për dëme.”, tha Elshani.
“Epoka e re” mëson se në zonat ku janë dëgjuar shpërthimet, në vendin e ngjarjes kanë dalë edhe trupat e KFOR-it.
Ndryshe, banorët shqiptarë të veriut u shprehën të shqetësuar për shpërthimet që ndodhën sonte.
