Funda Demiri, Brigita Krasniqi dhe Albana Mustafi janë tre shqiptaret që fituan në tre qytete të ndryshme në Finlandë në zgjedhjet për këshillin bashkiak që u zhvilluan atje.

Funda Demiri është zgjedhur në këshillin bashkiak të qytetit të Vantaa-s. Brigita Krasniqi është zgjedhur në këshillin bashkiak të qytetit të Tampere-s. Albana Mustafi është zgjedhur në këshillin bashkiak të qytetit të Kemit.

Komuniteti shqiptar në Finlandë është mjaft i konsoliduar dhe i integruar në shoqërinë finlandeze. Në këto zgjedhje ishin dhjetë shqiptarë të cilët kandiduan në zgjedhjet komunale atje në qytete të ndryshme.

Zgjedhjet u mbajtën të dielën më 13 qershor, ndërsa votimi paraprak jashtë Finlandës u bë më 2-5 qershor, dhe votimi paraprak brenda vendit 26 maj- 8 qershor, sipas sistemit zgjedhor finlandez./Diasporashqiptare.al