Boston Celtics triumfuan me rezultat 112-98 në fushën e Washingtonit, duke forcuar pozitat në vendin e dytë në Konferencën e Lindjes. Takim ku Celtics diktuan në fushë, me 7 lojtarë që realizuan mbi 10 pikë.

Tatum me 28 pikë e 12 rebound ishte më i miri për miqtë. Rikthehet te suksesi edhe skuadra e Lakersat, që mundi me rezultat 116-110 rivalët e Memphisit, në një ndeshje të ekuilibruar. Ndeshje magjike për Anthony Davis, që realizoi 40 pikë e 16 rebound, lider në fushë për kalifornianët.

Pas një ndeshje spektakolare, ekipi i Dallasit fitoi me rezultat 143-133 ndaj Golden State. Shkëlqeu Luka Donqiq, protagonist me një “triple double” (45 pikë, 11 rebound e 13 asistime), ndërsa 29 pikët e Wiggins për vendasit nuk mjaftuan.

Jashtë fushe fiton edhe Minnesota, që falë 26 pikëve të Edwards mundi me shifrat 106-92 San Antonionion, ndërsa Phoenixi triumfoi me rezultat 116-109. ndaj Portlandit, sfidë ku diferencën në fushë e bëri Devin Booker me 28 pikë.

Rezultatet

Indiana – New Orleans               119-104
Orlando – New York                   91-100
Washington – Boston                 98-112
San Antonio – Minnesota           92-106

Phoenix – Portland                    116-109
Golden State – Dallas                133-143
Lakers – Memphis                     116-110