Dikur i dëbuar nga një media sociale, e cila synonte transparencën dhe informimin e saktë përmes platformës së tyre. Sot, i rikthyer në profilin presidencial me markën e famshme @POTUS.

Donald Trump-in e dëboi dikur Twitter-i dhe e riktheu më pas X-i.

Çelësi në të dy rastet ishte krahu i tij i ri i djathtë, manjati i teknologjisë Elon Musk, ithtari i presidentit të ri, i cili po ia pezullon profilin personal Donald Trumpit në platformën që e bleu për 44 miliardë dollarë.

Nga ana tjetër, po i jep aksesin tek përdoruesi më i rëndësishëm në botë ndoshta, profili i famshëm @POTUS, i cili përdoret ekskluzivisht vetëm nga një president amerikan në detyrë.

“Rikthimi i Mbretit”, shkruan Musk në profilin e tij.

Vetë Trump, vendos foton e vrenjtur presidenciale si pamje të profilit – një shkrepje që më shumë i ngjan asaj të arrestimit të tij, se sa atij të një presidenti.

Në kopertinë, luan me sloganin e famshëm që ka krijuar vetë, por e modifikon, sepse tani ai ulet në Zyrën Ovale.

“Amerika është kthyer”. Kështu shkruan Donald Trump në postimin e tij të parë në llogarinë zyrtare në X, pas betimit si presidenti i 47-të i Shteteve të Bashkuara.

“Çdo ditë të vetme do të luftoj për ju me çdo frymëmarrje të trupit tim. Nuk do të ndalem derisa të kemi Amerikën e fortë, të sigurt dhe të begatë që fëmijët tanë e meritojnë dhe që ju e meritoni,” shkroi ai më tej, duke përfunduar se “kjo do të jetë me të vërtetë epoka e artë e Amerikës”.

AMERICA IS BACK. 🇺🇸

Every single day I will be fighting for you with every breath in my body. I will not rest until we have delivered the strong, safe and prosperous America that our children deserve and that you deserve. This will truly be the golden age of America. pic.twitter.com/cCuSV8Q44Z

— President Donald J. Trump (@POTUS) January 20, 2025

Po, Donaldi është rikthyer dhe katër vitet e ardhshme të politikës amerikane janë të tijat.