Presidenti amerikan Donald Trump ka zhvilluar një bisedë telefonike me presidentin e Rusisë Vladimir Putin.

Trump ka zbardhur detaje nga biseda për të cilën ai thotë se ishte produktive, teksa zbulon se me Putin, përveç Ukrainës ka diskutuar për Lindjen e Mesme, Energjinë, Inteligjencën artificiale dhe fuqinë e Dollarit amerikan.

Trump thotë se me Putin reflektuan mbi historinë e dy vendeve dhe veçanërisht humbjet që pësuan të dyja vendet në Luftën e Dytë Botërore. Ai thotë se ka diskutuar edhe përfitimet e mëdha që dy vendet do të kenë nëse bashkëpunojnë një ditë.

Trump thotë se do të telefonojë presidentin e Ukrainës Volodomyr Zelensky për ta informuar mbi diskutimet e tij me Putinin si dhe shton se ka udhëzuar ekipin e tij që të nisë negociatat për të ndaluar luftën në Ukrainë.

Reagimi i ploë i Trump pas bisedës me Putin:

Sapo pata një telefonatë të gjatë dhe shumë produktive me Presidentin Vladimir Putin të Rusisë. Diskutuam Ukrainën, Lindjen e Mesme, Energjinë, Inteligjencën Artificiale, fuqinë e Dollarit dhe tema të tjera të ndryshme. Ne të dy reflektuam mbi Historinë e Madhe të Kombeve tona dhe për faktin që luftuam me kaq sukses së bashku në Luftën e Dytë Botërore, duke kujtuar se Rusia humbi dhjetëra miliona njerëz, dhe ne gjithashtu humbëm kaq shumë! Ne folëm secili për pikat e forta të kombeve tona përkatëse dhe përfitimin e madh që do të kemi një ditë duke punuar së bashku. Por së pari, siç ramë dakord të dy, ne duam të ndalojmë miliona vdekje që po ndodhin në Luftën me Rusinë/Ukrainë. Presidenti Putin madje përdori moton time shumë të fortë të fushatës, “Common sense”.

Ne të dy besojmë shumë te kjo. Ne ramë dakord të punonim së bashku, shumë ngushtë, duke përfshirë vizitëa në kombet e njëri-tjetrit. Ne kemi rënë gjithashtu dakord që ekipet tona përkatëse të fillojnë menjëherë negociatat dhe ne do të fillojmë duke telefonuar Presidentin Zelenskyy, të Ukrainës, për ta informuar atë për bisedën, diçka që unë do të bëj tani. I kam kërkuar Sekretarit të Shtetit Marco Rubio, Drejtorit të CIA-s John Ratcliffe, Këshilltarit të Sigurisë Kombëtare Michael Ëaltz dhe ambasadorit dhe të dërguarit të posaçëm Steve Witkoff, që të udhëheqin negociatat, të cilat, mendoj fuqimisht, do të jenë të suksesshme.

Miliona njerëz kanë vdekur në një luftë që nuk do të kishte ndodhur nëse unë do të isha President, por ndodhi, kështu që duhet të marrë fund. Nuk duhet humbur më jetë! Dua të falënderoj Presidentin Putin për kohën dhe përpjekjet e tij në lidhje me këtë thirrje dhe për lirimin, dje, të Marc Fogel, një njeriu të mrekullueshëm që unë personalisht e përshëndeta mbrëmë në Shtëpinë e Bardhë. Besoj se kjo përpjekje do të çojë në një përfundim të suksesshëm, shpresojmë së shpejti!